Misiangtho Alphege

Misiangtho Thomas Becket in Canterbury Catherdral ah thatna a thuakma, kum (150) hun in Canterbury khua ii Siadaw khat in zong mulkimhuai takin thahna thuak hi.
Misiangtho Alphege in (Dane) Denmark minam guta buluhte alaang mahmah hunin England gamah om hi. England kumpipa Ethelred ii huhngetna hangin Alphege in Denmark galkapte tawh kilemna bawl nadingin hanciam hi. Alphege in amaute gamtat siatna a dal zawh banah Christian upna ah kikhel sak zo hi.
1005 kumin Alphege in Canterbury ii Siadaw suak hi. 1010 kum ciangin adang Dane upa te in England gam saklam teng buluh in Canterbury umcih uh hi. Amaute in amau nget sum angah uh hangin gam sungpan paikhia lo-in, khuapi sungah lut uh aa, Alphege man uh hi. Tua banah Dane te in amau mat mite pen amau deihzah sum tawh ki tan sak uh hi.
Ahi zongin Alphege in a tam mahmah sum te a piak loh na dingin a tuu no te a gen ciangin Dane te in Alphege ii lutang Hei tawh sat in that uh hi. Tua bangin mihing hi lo bangin Dane te’ gamtatna hangin Denmark minamte sung pan a za nei deuh, gam uk te liinglawng sak hi. Tua ahih manin Alphege luang vuina pen Canterbury ah nasiatak in a bawl na ding un lai hawm uh aa, Alphege pen gam adingin galhang khat hi ci-in pahtawi uh hi.
“Thuman adingin sihna in galhang in sihna mah ahi hi” ci-in Misiangtho Anselm in gen hi. Kumzalom khat leh lang a sawt ciangin Misiangtho Thomas Becket ii anunung kammal in “Alphege” ahi hi. Misiangtho Alphege pen zawhthawh thu tawh a kikaigawp (gelpih mang) mite ahuh Misiangtho in ki ciamteh hi.
Misiangtho Alphege aw…ko te adingin thu hong ngetsak tan.