Mi Siangtho Romuald (951-1027), June-19

    Mi Siangtho Romuald pen AD-951 kumin Italy gam, Ravenna khua ah suak hi. Amah pen leitung nopsak na sungah a ki diah, leitung lungsimdeih bangin agamta khangno khat hi. Ni khat leitang tawh kisai ki thu tuakloh na khat hangin Romuald Pa in amel theih khat that a, Romuald in teci in va pang hi. Tua vai hangin Romuald lau ahih manin khua dang khat ah va tai hi. Tua lai ah mawh na dan loh na leh thungen in om a, ama hanciamna te a Pan  thupi sa ahih man in amah zong a mithatna ki sik kik in Sancselvero phungyi sangah va om hi. Kum thum asawt ciang in Romuald in mite gensiatna tuamtuam te hangin ama om na sang pan ki hawlkhia hi. A man sang neu neu te phuan in, khua tuamtuam ah kum 30 sung khualzin kawikawi in om hi. 

AD-1012 kum ciangin ama phuat sang hong minthang mahmah a, tua lai mah ah Camelrist Congregation thak khat phuan leuleu hi. Khat vei leitung  nopsak na sungah a ki diah khangno khat, Romuald in nasia tak in tai ahih manin tua khangno pa in Romuald thu aman lo pi phuak in gensia gawp hi. Tua thu  alawm te in um uh a, Romuald a sang pan un hawlkhia hi. Tua thu te khempeuh Romuald in kha 6 sung, bangmah nial vet lo in dai tak in a thuak khit ciangin thuman hong ki langkhia a, amah ama om na munah ki koih kik hi. 1027 kum in Ankona gai aom, Catesthro sangah si hi.

#Saintoftheday #feastdayofSaintRomuald #RVATedimChinService