Mi Siangtho Robert Bellarmine

Feastday, September 17

Misiangtho Robert min nei thuzui te khempeuh Happy Feastday ci-in kong muak hi.
------------------------------------------
Misiangtho Robert in 1542 kumin, Italy gam, Montepulciano khua ah suak hi. Kum (18) aphak ciangin apa phal loh pi-in Roma aom Jesuit congregation ah lut hi. Siampi a suah khit ciangin Bellarmine College ah Protestant siapi te tawh thu kikum dingin sawl na ngah hi. Kum (7) a sawt khit ciangin ama siangtho na leh siamna hangin Roma gam aom, College khat ah Theology hilh dingin vaipuak kipia hi. A mah in Catholic up na tawh kisai laibu tampi bawl a, tua sungpan Laisiangtho thu leh thu-um masa te thu a gelh laibu pen minthang mahmah in Protestant tampi te in zong deih thei mahmah a, mihing khat at ding nangawnin um zo lo phial uh hi. Landon gam aom, laibu zuak khat in ka zuak laibu khempeuh pan hih siadawpa at laibu a ki khawng pen hi ci-in gen hi. 1598 kumin St. Robert in Cardinal dingin teel na ngah a, Cardinal ahih hangin an-lim, tui-lim cih ne tuan lo in, moh leh lothangkang bek ne in a inn khan sunga, kalaka(Puan) te mizawng te pia hi. Kum (4) a sawt ciangin Capua khua Siadaw suak a, Siadaw asuah ciangin a laiat khawl in khangno khat bangin tangzang tak leh thalawp takin Pasian thu tangko hi. Tua khit ciangin Pope Paul V in Rome ah sam kik in, Library leh a dang vaipuak tuamtuam len sak a, 1621 kum, ama kum (78) a phak in Rome ah si hi.
Misiangtho Robert aw. ....Ko te a dingin thu hong ngetsak tan.