Mi Siangtho Maria Goretti

St. Maria Goretti, Nungak, kithat (1890-1902), July 6

Kum 12 a pha a meel hoih mahmah, Italy nungakno Maria in a innkuanpihte lokhawhna ah a huh hi. Amah, sang a kah khak loh hangin Pasian thu ahih leh hoihtakin a sin kha hi. Ni khat ni-in kum 19 a pha ahi a vengpa Alexander a kici lokhomi khangno khat in Maria te inn gei lampi ah a pai laitak thakhat thu-in a inn sung uh ahlutvatin Maria zawhthawh thu-in buan dingin a hanciam hi. Maria na ut peuhmah lo-a, hithei kei, hi thei peuhmah kei! ci-in a awng hi. Hong sukha vet kei in, Alessandro aw! Mawhna lian hi! Nang Hell khuk sung na pai ding hi, a ci hi. Maria a kipekgawp ciangin Alexander in a tem dokin 14 vei a dawt hi. Nasa lua-in Maria sualtung ah tuksuk-a, Topa Pasian aw, ka si ta ding hi. Nu aw, ka si tading hi, ci-in a awng hi. Tua ciangin Maria Goretti lupna inndei panin Alexander ataikhia hi. Maria, zato ah kupuak-a tua zato ah ni nih sung nasiatakin natna a thuak hi. Siampipa in Alexander mawhna a maisak leh a maisak loh Maria kiangah a dot lehamah in, Topa Jesu ka itna hangin ka maisak hi, keimah tawh a kibangin Alexander zong vantung gamah ka omsak nuam hi, Pasian in a mawhna na maisak ta hen, a ci hi. Maria in a khut sungah Tonu Maria limneu khat tawi-in singlamteh nam kawmina si hi. Hih thu 1902 kum-a thupiang ahi hi. Alexander, kum 29 sung thongkia-a, thong sungah kikhelna ngahin thu-um mahmah khat hong suak hi. Maria Goretti, Pope Pius XII in 1950 kum June kha ni 25 ni-in misiangtho suak hi, ci-in a tangko hi. Tua ni-in St. Peter biakinnpi ah a teek mahmah Maria Goretti nu zongva kihel thei hi. Khangnote a kihhuai gamtatna gamta loin a siangtho mahmah theihnadingun a cing a kem misiangtho-in amah kiciamteh hi.

Add new comment

5 + 8 =