Mi Siangtho Camillus de Lellis

 (1550-1614), July-14

Misiangtho Camillus in 1550 kum in, Italy gam, Chieti khua ah suak hi. Aneu tung pan galkap sungah lut in gamtat hoih lo khat ahi hi. Kum 25 a phak hun in, a paktat na tawh aneih alam khempeuh bei a hih manin zateih sang khat ah na sem in om hi. Tua zateih sang uk Phungyi pa thu hilh na in a lungtang su kha a hih manin Pasian ading a nuntakna ki pia khia hi. Zateih a lut nop hangin a khe ah nat na khat nei ahih manin lut thei lo a, Rome aom, za to khat ah pai hi. Tua za to ah hehpih na nei lo zato nasem te in ci na mi tampi ahing pi-in a vui uh amuh ciangin Camillus in hehpih huai sa lua in a khoi a kep manin tua zato ah zato uk suak hi. Phungyi a suah khit ciangin Camillus in Camilllians cih congregation khat phuan in, ci na te Topa Jesu bangin mu in kem uh hi. Camillus in ''hih leitungah genthei dong tuak a om kei leh leinuaiah zongin ih hotkhiat kul ding hi'' ci-in, a nungzui te kiangah gen hi. 1614 kum in Rome ah si a, 1742 kum in Pope Benedict XIV in ci na te ahuh misiangtho in tang ko hi.