Mi Siangtho Bernard of Clairvaux

Mi Siangtho Bernard aw, Kote a dingin thu hong nget sak in.

St. Bernard of Clairvaux
Feastday, August 20
          Bernard, France gam, Burgundy khua ah mi zahtak huai innkuan sung pan 1091 kumin suak hi. A nu’ pattahna tawh Pasian itin a zahtak khat ahi hi. Kum 22 a phak ciangin monk siampi a suak hi. Amah pen mite’ lungsim a zo, thupha ngah khat ahi hi. 1113 kumin a lawmte 30 tawh St Monk siampi sinna sangah lut theihna ding phalna a ngen uh hi. Tua 30 te’ lakah a pa, a pano leh a naute li zong a kihel uh hi.
         Monk siampi sinna sang a lut khit ciangin Bernard in kha lam khantohna tampi a ngah hi. Kum 3 khit ciangin monk siampi 12 te a makaih dingin amah a kiteel hi. Thu vaihawm a siamna, Pasian a itna, mi’ muan theih dingin a omhithiatna, a sianthona, a hansannate’ hangin mitampite’ lungsim a kaizo hi. Kumpipa’ tapa zong tua monk siampi sangah a lut hi. Bernard in monk siampite a uk a sep kum 37 sungin siampi inn 136 a lam beh hi. Ama makaihna sunga monk siampite Germany, Sweden, Ireland, England, Portugal, Italy leh Switzerland gamte ah pai-in Pasian thu a tangko uh hi. Amah pen St. Benedict siampi kipawlna pan a sawl nihna a phuankhia-pa, ci-in minthang hi.
         St. Bernard pen mipil mahmah khat hi-a, amah in mihingte’ pianzia thu a hilh hi. Pope Eugene III’ hathotna tawh, ‘A kimu thei mi khat ciat sianthona,’ cih thu kaikhawmin laibu-in a bawl hi. Neih leh lamhte a thupi masa pen hi loin, a nihna ahi hi, a ci hi. Tua ahih manin Bernard pen, ‘ Second Crusade,’ ci-in kisam hi. 1144 kumin pope in Bernard crusade thu a gensak leh amah in Germany leh France paute tawh gen ziahziah-a sima kisa mahmah hi.
        1153 kum, August 20 ni-in Pope Alexander III in misiangtho suak hi, ci-in a tangko hi. 1830 kumin Pope Pius VIII in, ‘ Doctor of the Church,’ cih min phatna a pia hi.