Dolno Kung (2000) suan Ding.

(5) Years Anniversary of Laudato si

Laudato si ih cih pen Manglai in (Praise Be to You!,  Care of our Common Home) hi-in a lianbel Siampi pa Pope Francis ii Leitungbup pi ah a laikhak Encyclical Letter ahi hi.  Tua sungah Pope in bang gen hiam cih leh ih Innpi a hi Pasian hongpiak leitang  leh Singkung lopa te puah siam ding, ih nek ih dawn khempeuh leitang pan hongpiang a hih manin leitang ih zahtak aa limtakin ih kep siam leh a tunga om Mihing, ganhing, Singkung lopa te in nuam sa ding ci-in leitung buppi ah (May 24, 2015) kumin lai hong hawm khia hi. Tua tawh ki zui- in in ei Kalay Diocese in zong Sawbua Yeshin gei, Yedoh a ki cina mun Diocese huang sungah Dol kung (1500), Hai kung (100) leh Nahtang kung (500) bang ki suan khin hi. Tu kum tua lai a hawm khiat zawh kum (5) a cih na hi-in kum ngan cih muak na in Dol kung (2000) ki suan sawm lai a hih manin na sep ding zia a en kholin Fr. Raphael Khuppi (Procurator), Fr. Andrew Go Nang (KMSS Director), Fr. Joseph Zo Mung (OSC & RVA Director) te  va pai-in lo cingpa Pa Mang tawh ki muh khopna nei uh hi.  Hih Dolno kung (2000) te pen Kawlpi kim aa om Parish tuam tuam te pan khangno te huh na tawh (June 24, 2020) ni-in suan dingin khen sat na nei uh hi. Khangno te huh na tawh "Laudato Si" kum (5) cin pawi ih muak kawmin ih gam leh ih lei ah nuntak nuamin ih nuntak zawh nang Singno suan na tawh ih khua hunte kem ciang ni. Hi bangin ih Diocese sunga om Office tuam tuam te leh Khangno te ki pawlkhawm in ma pang khawm den leng ih Diocese sung bek hi lo in ih Zogam leh leitung buppi khantoh pih zo ding hi hang cih phawk in Khangno te Parish Priest te ii hong makaih na bang bangin ih kuan ciat ding hi lai mun pan in hong zawn ung. Lungdam.

 

#LaudatosiAnniversary #ClimateChange #Zomi #RVAPastoralcare #ChinService

 

Jzo Mung Raph Khuppi Andrew Go Nang KMSS-Kalay Kalay Signis

 

Add new comment

2 + 3 =