NAU SUAHBAIH NANG BANG SEM DING

Nu te cidamin naupaai hunteh baihtak suah theihna dingin, Pasian tungah thu ii nget baan ah, sep leh bawl ding a kisam te seppah dingin hoih hi.

1. Ex, Maanmaan bawl ding. Ex, bawlden na hangin, naungeek bawihtak suahtheih nang tha a pia hi. Lamsiau ding, tuipeek ding, nau paaite bawl ding a kisam, Ex te bawlna hangin, hong thau lua saklo dinga, Omdaan nuam in, lungsim hong thahat sak ding hi.

2. Pasal huhna kisam Zite naupaai hun ciangin, tuutdaan, khawldan dingte, a theite donga, zuihsak na hang in, naupaai natna (30%) bang noptuam ding hi. Siavuante hong sawl bangdaan, Pasal te’n theihpih in zuizo peuh leeng noptak in nau hong suak ding hi.

3. Lungnuam tak om ding. Tacil naupaaite nausuah ding nai tektek lungkham tektek in omthei uh hi. Pasal ten thapiak daan siamding kisam hi. Taai sung leh kawng nunglam munte a nat ciangin, huihdiik daan anop theipen dingin kisinkholh kisam hi. Puan kol dipdiap silh dinga, suah hun hong nai takteh, Bombi sungten tenglo ding a, kisil leh lamsiauh hun ciangin, kawng bangmah in asuk khakloh nang kidop kul hi.

4. Zingsang kiallap an thupi Nisim in zingsang kiallap annek tawntung na hangin, naupaai nute tha hong dim sak hi. Sathau tamlua, athak lua, nekloh ding hoih hi. Gil vahluat leh sungniim thei hi. Nausuah hun hong tun ciangin, tuisiang leh singgah tui bek dawn inla, a khuum nam kidawm in.

5. Tuilum tawh kisil in. Naupaai te’n tuilum tawh kisil lehang, Nausuah kuan ciangin, na sa takte anat luat na dingpan hong noptuam sak ding hi.

6. Tui kidiah ding Naupaai hun ciangin, tui lakah tu inla, minutes (10) sung kidiah zo den lecin, nau om daan hong hoih ding a, nausuah zong hong baihtuam pah ding hi.

7. Damtak kimeek ding. Naupaai hun ciangin, Pasal te’n zite meek dinga, nungzang leh kawng munteng dam notak meek leeng, lungsim lawpna leh nausuah teh natnate noptuam sak hi.

8. Tukloh nang kidawm ding Naupaai hun sung, tutna, dinna, paina munte ah, tukloh nadingin mikhat bangin len zoden leeng hoih mahmah hi.

9. Naakdaan kisinkhol ding. Pongmaan a naakna hangin, nausuah olsak tuam a hihmanin, Nausuah hun ciangin, nakpi tak huih diik a naakzawh nangin, kisinkholh ding kisam hi.

10. Ki ngeina seh (zong sang ding) Naupaai hun sungin, tutdaan, khawldaan, paidaan te siamna hangin, nausuak hunteh, hongnoptuam mahmah ding hi. Tua ahihman in, Ex, bawlna, Pasian thu lungngaihna te hatzawh na dingin hanciam zo leeng, kisam pha mahmah hi. Annek, tuidawn leh ihmut ciim na hangin, Sisan paaidaan maansak ahihman thupi-in kisam pha mahmah hi.

(Translation from Good Health)

By Sia Bernard Lian, EV.