Misingtho Don Bosco hong hilh, khangno te sep ding khentatna te

1. Missa biakpiakna ah paibaih zawh nang hanciam in. Missa ki patma minute tawmkhat sung hun piakna in na lungtang hong ki hong sakin a lamdang thupha te hong ngah sak ding hi.
2. Biakinn sungah na lut ciang hitaleh, na pusuah ciang hitaleh tui siangtho tawh singlamteh ciaptehna bawl in.
3. Na tutna mun pan na lut lam hitaleh na pusuah lam hitaleh khukdin in. Tua in Siangtho Pumpi buuk sungah a om na khempeuh a piangsak Pasian tungah zahtakna hi a, Siangtho Pumpi buuk omna ah zahtakna tawh hun la inla khukdin in. Na khuk din laitak in ka Topa ka Pasian ci-in.
4. A hih theih leh a kisam lo pi-in biakinn sungah pau kei-in. Pasian kiangah ahawh na hih manin gen ding a om leh zong Topa Jesu bek hopih in. Biakinn tuakin na ciah ciangin zong dai takin om in. Bang hang hiam cih leh midang te in thungen lai uh hi.
5. Pasian thu ki gen te ngai in. Tua in nang phattuam na hong pia ding, Pasian kammal/ lungdamna thu te hi.
6. Biakinn sung pan Siampipa a pusuak nai kei leh nang zong pusuak nai kei-in. Missa biakpiakna manin kikhop tuah ciangin zong Missa sung pan na ngah thupha te lungdam na kohna in tawm vei om lai-in.
Misiangtho Don Bosco in a nunung pen in eite hong hilhna ah vantung gam tawh ki nai na dingin ni sim in kal khat ta kalsuan ding ahi hi. Biakinn sunga ih gamtatna te in Pasian min a than sem sem na ding hi. Zingsang sim in eite’ kha hotkhiat na dingin nasem ding cih khentatna zong ahi hi.