Christmas

Christmas ih cihin bang hiam?
* Christmas pen a tamzaw in gamlumna, gualnopna pawi in ki ciamteh hi. Eite in it na ‘aw’ ging ih zak na dingin gamdaihna tawm beek ih zangh ding hi.
* Nisim in nuntakna thak tawh suahthak ding khensat in na lungtang, na kha sungah Pasian na om sak simin nangin Christmas na hi hi.
* A khauh mahmah huihpi te leh nuntakna ii haksatna te na phul tan ciangin nangin Christmas Taakkung na hi hi.
* Na gamtatna te in na nuntakna hong puahsak/ hong zemsak mel (Colour) te a hih ciangin nangin Christmas pawi zemna van te na hi hi.
* Mite samin ki thutuak na dingin na kaihkhop ciangin nangin Christmas daak (bell) na hi hi.
* Mi dangte nuntakna lampi pen nang ii hehpihna, lungduaina, ciitna te tawh na taang sak ciangin nangin Christmas khuavak na hi hi.
* Lungnopna, thuman thutak leh itna te leitung ah na tangko ciangin nangin Christmas zan ii vantung mi na hi hi.
* Mi khat peuh peuh Pasian kiangah na puak ciangin nangin Christmas Aksi na hi hi.
* Mikhat peuhpeuh tungah a hoih pen na piak ciangin mipil thumte pen nang mah na hi hi.
* Na lungtang sungah ki thutuakna na koih zawh ciangin Christmas tumging, music in nang mah na hi hi.
* Mi khempeuh adingin a thuman lawm, ulehnau taktak na hih ciangin Christmas letsong in zong nang mah na hi hi.
* Na khut sungah hehpihna na gelh ciangin Christmas card cih in zong nang mah na hi hi.
* Midangte mawhna maisak in kilemna na phut zawh ciangin Christmas muakna kammal in nang mah na hi hi.
* Na kiim na paam a om mizawngte, neklehdawn leh lametna na piak ciangin Christmas nitak an nek khopna in nang mah na hi hi.
* Gamlumna, pawi lianpi cihte bawl lo-in Topa Jesu pen daaitak leh lungsim ki niamkhiat takin na san ciangin hitaleh na lungtang sunga om Pasian gam hong lamsak, kum sim in a kibawl Christmas ii kilemna, upna leh nunnem tak a maitaina khat ahih ciangin nang mahmah in Christmas zan/ nitak na hi hi.
Pope Francis