Profession of Perpetual Vows by the Little Way Sisters of St. Theresa at Sts. Peter & Paul's Church (2.2.2024)

Tuni Sts. Peter & Paul Biakinn pi ah St. Theresa Nungak Siangtho (11) in Khantawnin Pasian na sem ding cih kiciamna bawl uh hi.
Tua Pawipi sung Missa Biakpiakna pen Kalay Diocese hongcing hongkem Bishop Felix in hong makaih in Siampi te (44) leh thuzuite mi (700) kim kihel thei uh hi.
Khantawn kiciamna hun man ciangin St. Theresa sang pan a Siapinu Sr. Maria Van Nei Kim in hih khantawn kiciamna a ngah Nungak Siangtho te in tu pan ki panin hih Nungak Siangtho kipawlna sungah Siapinu teel na ding Mee piak theihna leh Mee ngah theihna ding vaipuak nei uh hi ci-in tangko na nei hi.
Tua khitteh lungdamkoh thu genna leh amaute ii om na ding posting te tangko na nei hi. Tua banah khantawn kiciamna a bawl Nungak Siangtho te tangin Sr. Mary Nang Bawk in lungdamkoh thugenna nei hi.
Kikhop tuah ciangin Nungak Siangtho te in mipi Aksa leh Buhcim tawh an vak na nei hi.
Khantawn kiciamna a bawl Nungak Siangtho te pen
1. Sr. Mary Nang Bawk (Banmaw)
2. Sr. Cecilia Bawi Nuam (Kalay)
3. Sr. Catherine Hling Nei Hat (Kalay)
4. Sr. Veronica Ring Ghung (Hakha)
5. Sr. Justina Roi Lum (Banmaw)
6. Sr. Agnes Tam Hlee (Hakha)
7. Sr. Christina Naw Aye Thi Khaing (Taungngu)
8. Sr. Cecilia Dar Vang (Hakha)
9. Sr. Theresa Thang Leng (Hakha)
10. Sr. Veronica Sui Rem Nuam (Hakha)
11. Sr. Josephine Naw Thazin Soe (Taungngu) te a hi uh hi.
St. Theresa Sister te in hih Khantawn kiciamna a bawl Nungak Siangtho te pahtawina in St. Theresa Mother House ah Siampi te tawh nitak nai (6:30 pm) in an nekkhopna nei uh hi.