Pope Francis gen Coronavirus kidal nang leh a bei nang cih thu

A Lianbel Siampi Pa Pope Francis in leitung bup kipawlin puul natna lungno a bei nang zatui zahate zongin mi tul tampite nuntakna hotkhiat ding hanthawn hi.

May kha ni 3 ni-in a gen na-ah, gamkhempeuhin kipanpih diamdiam aa aki lawhthei natna te dalnang a kicing tak leh a hoih theipen aa hih ding lunggulhna thu zong hong pulak khia hi. Lungnote pan kidal nang leh ki bawl nangin zatuilam pilna a neite kipumkhatin, a lungsimuh cihtakna leh deihsakna tawh zatui zahate zongin damlote bawlding , hih in a thupi mahmah hi ci-in gen hi.

Tuucing hoihpa pawini ahi Nipi ni-in, Pope Francis in, Covid-19 lungno nei aa gimna a thuakte leh a maute a cing a kemte zong a khualna thu zong hongpulak hi. A genna ah, “hih puul natna a kizelh hun sungin midangte nuntakna dingin a nuntakna uh sit lo-in a pia Siampite leh cidamna lam vaipuak a neite kong phawk mahmah hi” ci hi.

Hih tuucingte lamlahna tawh kizui-in, Siampite leh cidamna lam vaipuak a nei siavuante’n Pasian thu um thuzui mite hong huh zo ta hen ci-in, Misa a ki patma in hong pulak masa hi.

By Mr. Anthony Piang

#PopeFrancis, #Pandemic

Source From: https://bit.ly/3fjTa4g