Dongtuak gentheihna athuak note tawh kong omkhawm hi," ci-in a lianbel Siampipa in gen

January 8, 2020
A Lianbel Siampipa Pope Francis in Nipikaalsim nithum nitakin aneihden mipi tawh kimuh khopna leh Pasian thu hilhna sungah Australia gamkaatna aading amah tawh thunget khawm nadingin Mipite zawn hi. Australia gam panin kikhawm dingin a pai thuzui mipite tungah zong “Hih lunggim haksatna sungah
note tawh kong omkhawm hi”, ci-in gen hi.

A beisa nipikaal sungin Australia ah acres25.5awn val bang mei-in kaang khin aa, mihing 20 val leh ganhing tampitakin zong sihna thuak uh hi.

A lian bel Siampipa leh Australia gam aa Siadawte' zumpi pan zong hih bang gamkaangte dalzawh nang leh itna takpi tawh sep zawh nang pil, ciimna thuphate ngah theih nadingin ei Catholic Christian te' imuan isuan thungetnate ngenkhawm nadingin a lian bel Siampipa in leitungbup hong hanthawnin lai zong hong hawmkhia hi. Meikaatna hangin haksatna athuak mipite huhding, kemding leh akisapnate uh a vaan dingin Pawlpi in Australia kumpite tawh semkhawm hi cih zong pulaak hi.

Lailetkik: Miss Rosa
Reference:
https://bit.ly/2sgkCfK
#VaticanNews
#rvamyanmarservice
Photo crd: Vatican News