Catechism During Holy Week (25-31.3.2024)

Tu kum gam sung vai buai na hang tawh Kalaymyo kim galtai mi tampi a om na Parish te sung pan Rev. Fr. Andrew Go Lian, Msgr. John Khuppu leh Rev. Fr. Damian Dal te vaihawm siamna leh thuzui mite lawpna hang tawh Pyidawtha Parish, St. Mary Cathedral Parish leh Phai, Sacred Heart Parish te ah Nupi Papi te Pasian thu sinna noptak in ki bawl thei hi cih thu kiza ahih manin ih Biak Topa Pasian tungah lungdam ih ko hi.
Tua banah hih Kalaymyo kim a hih lo ih Diocese sung Parish tuam tuam te ah zong Pasian thu sinna leh thawhkik pawi noptak in kibawl thei hi cih thu kiza ahih manin ih Biak Topa Pasian tungah lungdam ih ko hi.
Tu laitak pen a hang tuamtuam tawh khangnote Biakinn lam ah ki mu zo nawn pha lo hi. Haksatna tampi kawmkal pan a thokik Topa Jesu in sep theihloh neilo hi cih phawkin Nu leh Pa te pan ki pan a kua ma ciat in thu nget hanciam sem sem ni.