Annual Retreat of Priests of Kalay Diocese was Successfully Completed on (11.2.2024)

Pasian thupha tawh Siampi te Kumcin Pasian thu lungngaihna cidam lungnuam takin ki mansiang thei a hih manin ih Biak Topa Pasian tung leh Retreat hong makaih Rev. Fr. Augustine Tin Htun tungah nakpitak in lungdam i ko hi.

        Tu kum pen Rev. Fr. John Tual Suum leh Rev. Fr. Wilfred Do Suan te pen damlohna hang tawh hong kihel zolo uh hi. Amaute nih zong Zato pan a tuah khit uh pan Kalaymyo Siadaw huang mah ah om phot lai uh hi. A manlangin dam siangthona a ngah nangun thu ngetsak ciat ni.

        Rev. Fr. Thomas Thang Khen Tuang pen USA ah khualzin in pai a hih manin hong kihel thei lo hi mah ta leh a mah in Siampi teng tungah itna lahna in thuzui mite in amah a piak ama ngah love gift sung pah Siampi khat ciang sum teng khat (100000/-) ta hongpia a hih manin a mah tungah ki lungdam mahmah hi. Ama nasepna te a tangzai semsem nangin thu ngetsak ciat ni.

        Tu kum pen amau teng thum lo buang Kawlgam sunga om ih Diocese Siampi te kim takin kihel zo bek tham lo-in Little Way Siampi (3) zong hong kihel thei uh a hih manin ki lungdam mahmah hi.

       Thu ngetna lasak na leh Retreat man ciang lungdamkoh pawi bawlna man leh Video te zong tawm tawm in hong ki post zel ding hi.