The (30th) Priestly Ordinatiin Anniversary of Rev. Fr. Peter Thawng Mung (24.4.2024)

Tuni Rev. Fr. Peter Thawng Mung ii Siampi suahzawh kum (30) cinna Lungdamkoh Missa Biakpiakna pen zingsang nai (6:15 AM) in Diocesan Centre, Kalaymyo ah nop tak in kibawl hi.
Tua sungah Missa Biakpiakna leh Pasian kammal tawh kha-an vakna pen Rev. Fr. Andrew Go Khan Nang in hong makaih in Siampi (6) leh Nungak Siangtho (40) kim kihel in Missa Biakpiakna man khit ciang Rev. Fr. Peter Thawng Mung in lungdamkoh thu genna hong nei hi.
Nitak ciangin Ama ii Ulenau, a sangnaupang te leh a itangai thuzui te piakkhiatna tawh Siadaw huangah nitak an nekkhopna nasia takin ki bawl lai ding hi.
Rev. Fr. Peter Thawng Mung pen (12.5.1960) kum in a suak hi-in tu-in kum (64) pha khin hi. (24.4.1994) kum in Siampi suakin tu ni-in a Siampi suahzawk kum (30) a cing hita hi. Tu laitak pen thuak lah ding dongin natna lian neilo hi mah ta leh a khe lam a thagui khauhlo a hih manin lam pai meng meng zolo hi. Tua ahih manin a thupi mahmah hun sung te lobuang mipi lakah kihel zo nawnlo hi.
Ama aa dingin thu ngetsak ciat ni.