Mawhsutna pan a kingah thupha nam (5)

1. Mawhsutna Sacramentu hangin Pasian tawh eite hong kilemkik sak mah bangin Pawlpi tawh zong hong ki lemkiksak hi. Ih mawhna hangin ih suplawh thuphate hong ngah kiksak hi. Tua mah bangin Nu Pawlpi tawh a kisiasa ih kizopna zong hong lemtuah kik hi.
2. Mawhsutna Sacramentu hangin eite in mawhmaisakna ih ngah hi. Ih mawhna lian pan ahizong in ih mawhna neu pan ahi zongin mawhmai sakna ih ngah hi.
3. Mawhsutna Sacramentu hangin gimna neu ah ih thuak ding hun hong kiam sak hi. Mawhsutna in a beisa hun te hong phiatkhiat sak hi. Tua banah ih mawhna neu te hangin gimna neu ih tun ding hun zong hong kiam sak hi.
4. Mawhsutna Sacramentu hangin lungnopna hong pia hi. Ih lungsim sungah lungnopna hong pia in, ih lunggulh ahi ih Kha thahatna zong hong ngahsak hi.
5. Mawhsutna Sacramentu hangin eite tha hong guan hi. Tua in eite tha hong hatsakin ih kha galdo na ah zong a kisam kha thahatna te tawh eite hong panpih hi.