A picing upna tawh nuntakna ding Sia. John Kap

Midang te in nang hong leh hek ding uh a, note pawlkhat zong hong that ding uh hi. Kei ma min hangin notein midangte muhdahna na thuak ding uh hi.  Ei Catholic Christian te nuntakna sungah muhdahna ciangbek hi lo in, Jesu hangin sihna athuak misiangtho tampi tak om khin a, Jesu hangin i pawlpi sungah thatna athuak lai ding zong tampi tak om hi. Upna hangin gamtatna tawh sih ngamna in ei adingin Vantung gam nuntak nopsak na ngah na dingin i kongkhak pi ahi hi. Atawpna ah Topa Jesu in bang hong gen hiam cih leh: Atawp dongin  lungkip takin na om na uh tawh note in nuntakna nangah ding uh hi, ci-in hong gen hi.  Tua ahihmanin Topa Jesu nung izuih na ah…i singlamteh ii hamsatna lungkham sinkhamna te i thuak hangin lungkia lo a, a tawp dongin i upna te lenkip tinten in i Christian nuntakna te i nosuaksak zawh tektek nangin han ciam ding hi hang. Koi ci bangin hanciam ding ih hiam cih leh…… Thuzui nu le pa u le nau te aw, Nisim in Laisiangtho simna, mawh sutna leh Siangtho Pumpi sanna, Siangthopumpi biakna, leh Khikhinna tawh nisim in, Topa deihna bangin i nuntak zawh nadingin hanciam ding hi hang. Tua hi leh I Pumpi i kha thahat dinga, Topa’ thupha hong pia, nitawpni dongah, ei mau hun nunung ciangin upna kiptakin Topa kiang i zuan ciat ding hi.  Catholic Christian nuntakna tawh a tawp dongin upna picingtak in anungta zo dingin i biak Topa Pasian in mimal kim ciat thupha hong pia ciat ta hen. Lungdam hi.

Add new comment

3 + 0 =