Lungdamna Laisiangtho Mark 4:26-34 sungsimna (Jan 26,2024) Friday

Catholic Nisim Lungdamna Laisiangtho Mark 4:26-34 sungsimna *********************26. Jesu in thugentehna khat zong a gen lai hi: “Pasian’ gam pen mi khat in leilak ah khaici a vawh tawh kibang hi.

27. Amah in khaici a vawh khit ciangin a sun a zan, a ihmut kal ahi zongin, a hah hun sung ahi zongin khaici po-in a na khang hi.

28. Leitang in ama thu-in gah a gahsak hi. A masa penin a kung, tua khit ciangin a vui, tua khit ciangin a vui sungah a tak a piangsak hi.

29. A gah minin anlak hun a tun ciangin, amah in a phiaukawi tawh thakhatin a at hi,” a ci hi.

30. Jesu in, “Pasian’ gam bang tawh etkak thei ding ihi hiam? Bang thugentehna zang ding ihi hiam?

31. Pasian’ gam in ankam tang tawh kibang hi. Ankam tang lei ah a kivawh laitakin, leitunga om khaici tang khempeuh lakah a neu pen ahi hi.

32. Ahi zongin a kivawh khit ciangin hong khang a, ankung khempeuh lakah a gol pen suakin, a hiang golte hong meengin, van-a vasate in a lim belin bu a bawl uh hi,” a ci hi.

33. Jesu in amaute’ tel theihna tawh kituakin thugentehna tampi zangin amaute thu a hilh hi.

34. Amah in thugentehna lo tawh thu hilh lo hi. Ahi zongin a nungzuite bek tawh a omkhop ciangin na khempeuh a hilhcian hi.

+Hih in Topa' Lungdamna Laisiangtho ahi hi.

- Christu Topa aw na tungah phatna om ta hen.