Daily homily by Cate. Michael Kaang Lian

Daily homily by Cate. Michael Kaang Lian

Hun Nautaang Nipikaal (18) Na
(WED.) August 7.2019

Lungdamna Lai Siangtho.
(Mt. 15: 21-28)

21 Tua lai panin Jesuh paikhia a, Taia khuapi le Sidon khuapi gam sung tengah a zin hi.

22 Tua gamah a teng Kanaan nupi khat hong pai-in hong kiko a, “David’ suan, Topa aw, kei hong hehpih in. Ka tanu in dawi vei a, nasia mahmah hi,” ci-in a hong thum hi.

23 Ahi zongin Jesuh in kam khat beek paupih lo hi. Tua ciangin a nungzuite in Jesuh kiangah, “Hih nupi i nung zui-in kikoko ahih manin a ciah nadingin sawl in,” ci-in a thum uh hi.

24 Jesuh in, “Tuu bangin a mangthang Israel mite lak bekah kei hong kisawl hi,” ci-in a dawng hi.

25 Ahi zongin tua nupi hong pai-in Jesuh’ mai-ah khukdin a, “Topa aw, kei hong huh in,” a ci hi.

26 Jesuh in, “Tate’ annek ding laksakin ui khawite piak ding kilawm lo hi,” ci-in a dawng hi.

27 Nupi in, “Hi mah hi, Topa aw; a topa sabuai tung panin a kia annengte, ui khawite in zong ne buang hi lo ahi hiam?” a ci hi.

28 Tua ciangin Jesuh in tua nupi kiangah, “Nupi aw, na upna lian taktak hi. Na deihna bangin hong piang ding hi,” ci-in a dawn khit ciangin a tanu thakhatin a dampah hi.

Hih in Topa’ lungdamna Lai Siangtho ahi hi.

#RVATedimChinService,
#RadioVeritasAsia,
#ZomiCatholicOnline,
#KalayDiocese,
#SyaMichael,

Like us on https://bit.ly/2G56oll

 See us on https://bit.ly/2XGCVt6

 and Follow us on  https://bit.ly/2LMA9ek

https://bit.ly/2YqcFDv