St. Thomas Nungzuipi thu

St. Thomas (Nungzuipi) thu, (Feastday), July 3rd. AD 1 kum lai in Galilee gam ahi Roman Empire, tu-in Isarel a kicih na mun ah suak hi. A mah pen Thomas Dinumos ki ci hi. Bang hang hiam cih leh nungzuipi Thomas pen Topa Jesu a thawh kik khit ciangin a mit tawh a muh kei leh a umlo pa ahi hi. Topa Jesu in a muh ding bek tham loh in a lawn theih ding in zong ama omlai takin nungzuipi te kiang ah na kilang hi. Thuzui khat leh khat in zong Thomas bangin ci-in ih ki ciamnuih thei zel na pen hih nungzuipi Thomas hang ahi hi. Jn 20: 28-29 sungah Thomas in "Ka Topa leh Ka Pasian" aw ci-in na nagen hi.  Jesu in Thomas kiangah "Nang mah in kei nong muh manin hong um na hi hiam? Mu lo napi in a um ten thupha ngah ding hi", a ci hi. A mah pen AD 52 pawl in India gam ahi Sri lanka ah Pasian thu tangko a hi. India te (Patron) belh leh suan Mi Siangtho khat in zong kiciam teh hi. India gam sungah biakinn mun 7 bang ah nalam aa, tua te pen Kerala State ah hi. St. Thomas pen India gam Kerala a om Malayattoa a cih na mun ah na na om hi. Tua mun a om suangpi tung khat ah St. Thomas khekhap zong na om hi. Tua lai mun ah St. Thomas pawini leh Good Friday ni-in miten singlamteh pua-in pumpi kidekna nei leh uh amau mawhna te mai hi cih um ahih manin mitampi tak in kumsim na pai den uh hi. Tua mualtung ah zong St. Thomas lam ahi biakinn neu khat om in tuni dong in om lai hi. Bang hang hiam cih leh tua biakinn no pen ganghing Sai ten zong anung lam pan a nasim hangin kisia zo tuan lo hi. Tua mualtung ah tui hamsa mahmah ahi manin St. Thomas lui khuk ci-in luineu khat om hi. Mite in a up mawh na ah St. Thomas in thungen in hih mun pan tui aphul hi ci-in um uh hi. Tua tui tawh kisil in adam mitampi tak om khin hi. Hih Mi Siangtho Thomas upna lamah amuh loh in a umlo pa ahih mah bangin amuh khit ciangin Topa Jesu ading asi ngam pa zong ahi hi. Mi Siangtho Thomas's nungtakna pen India gam ah asih dongin Pasian nasem in thahna a thuak hi.

By Mr. Anthony Piang