Misiangtho Casimir Pawini. (March - 4)

Misiangtho Casimir in Poland gam ah 1461 kumin suak aa, amah pen Poland Kumpi Casimir IV ii tapa ahi hi. Kumpi inn pan pilna a sin hangin ama nuntakna pen thungetna, kidekna te tawh bei sak hi. Casimir in Tonu a beel mahmah khat hi aa, Tonu a pahtawina in Hymn of St. Casimir cih la phuak hi. Casimir ii ciitna leh dikna hangin mite in amah “mizawngte a huhpa” ci-in sam uh hi.
1471 kumin Hungary gam ii Kumpi lukhu amah khu sak uh aa, aman zong a Pa’ thu amangna in sang hi. Gam uk a kipat ding ciangin Kumpi tapa dang khat in Casimir ii mun a tuh dingin a galkapte tawh hong kuan uh hi. Casimir in ahihleh sisan luang liangin ki do ding ut lo ahihmanin Poland gam ah tai kikin thuman lohna tawh cikmah hunin gal van ka tawi kei ding hi ci-in khentat hi.
Kumpi dang khat ii tanu khat in Casimir tawh kiteng nuamin a hanciam hangin Casimir in ama singthona pen ama nuntak hun nunung dongin kem cing zo hi. 1484 kum, ama kum (23) hunin Casimir in TB natna tawh si hi. Amah a sih ciangin ama nuntak sung tawntung a sak den la hi “Daily Daily Sing to Mary” cih la dal tawh ki vui hi. Misiangtho Casimir pen Poland gam acing akem Misiangtho in ki ciamteh hi.
Misiangtho Casimir aw…Kote adingin thu hong ngetsak in.