Leitung in "the lungs of the world" ci-in a ciapteh Amazon meikatna tung pan bang theih tuamna leh hih thu ih theih hangin bang phat tuamna ngah thei ding ihiam?

Amazon Rainforest, Brazil

- Amasa in amazon rainforest pen Brazil gam lam aa om ahi hi. leitung huih diikna (tuap) aki cih mah bangin, ih nuntakna dingin leitung bup in ih diik ahi huih khempeuh pan percent 20 pen hih amazon pan a kingah hi ci-uh hi. Tua khit ciangin nungtakna nei tan 20 val bang pen hih mun ah om-in teeng uh aa, inn bang aa aneih na uh hi ci hi. Tua bek tham loh in ih tuinek, ih tuidawn ahi zong leitung bup aa om tui khempeuh seh 5 suah leng seh 1 pen hih amazon pan a kingah hi cilai hi. Tua ahih manin hih amazon pen eite aa dingin gamlak singkung pona mawk hilo in leitung ii huih diikna akici ahi hi. 

- Amazon meikang hangin ei mihing te ahi zong tua sung aa om nuntakna nei tampi in, inn neilo bek thamloh sihna zong thuak uh hi. Amazon pan meikhu ten akiim aa khua te ah kizel mangin khuamial bang liang hi cilai uh hi. Hih amazon gamkatna in ei leitung mite aa dingin ih huih diik, ih tuidawn leh ih nuntakna aa dingin tampi suplawh kha ding hi hang.

- Tua hi leh gamkatna bulpi in bang hiam cih en leng, ei mihing te huaihamna hang hipi pen ding hi. Singkung te phukin van tuamtuam bawl tham loh ongsii kung, buangnaii leh nektheih singgah kung anei ten kumkhat khat vei agah zonawnlo/ aki zang thei nawnlo singkung te phukin a halna pan meikuang phelh zo nawnlo ahih man un akiim apam a lawh na pan hih bang supna lianpi hong piang hi ci uh hi. 

- Tua hih leh hih Brazil pek aa om gamkatna gen in tua tawh ei bang kisai hiam?, cilo zaw in hih thu piang pan bang pilna la thei ding, koicih kidawm in bangci mapang thei ding cizaw ni. Bang hang cileng tuhun ei lam zong en to lehang tuikhang- tuiciin tung, lei leh mual cimin khua te vukcip aa haksatna leh supna tampi hong om tektek hi. Tuate en leng atam zaw thu (a hang) bulpi in singkung phukna, gammei halna te hang aa guahzuk ciangin leitang anang ding bangmah omlo ahih manin hih bang supna dahna a thuak ih hih manin kua sep ding kua tavuan cilo in singkung lopa leh ihkiim ihpam ih kepcing ding ei mimal kim khat ciat tungah tavuan om hi cih kiphawk sak hang.

Source : Internet
Lai let kik : RVA

Add new comment

4 + 1 =

Please wait while the page is loading