Sts. Peter & Paul Parish, Kalemyo ah Nu leh Pa Pawi kibawl

Kum sim in ih zat ahi Pawlpi hong ceptehsak Sts. Joachim leh Annate phawkna pawi pen July 26 ni-in a ki bawl hi aa, tua ni mah in a maute hoihna leh phatna beelin thungenin Nu leh Pate pahtawina a kibawl ahi hi. Nu leh Pa Pawi (Parents Day) cihna zong hipah hi. Hih pawipen July 26 ni himah tase leh mun tuamtuam ah a nai penpen Nipi ni-in mi tampi a ki hel theih nading geelna tawh a kibawl ahi hi. 

Sts. Peter & Paul Khangnote makaih na tawh Parish sung aa om Parish Siampipa Rev. Fr. Maximian, Sister Pinu, Missa Biakpiakna sungah hong kihel Siampite leh a kumham zawdeiluhte, nupi leh papite letsong piakna nei uh hi. Hih bang hun tomno bawlna sungah pahtawina la kisa aa, St. Theresa sisterte sangpan Sister a sinlai nungaknoten pahtawina la a sakna uh ahi hi.