Innkuan thu sungah Tate vaipuak Sept-2023

Innkuan sungah Ta Nu/pate’ Zuih ding Pasian Kammal Pawlkhat i kikum ding hi.  Innkuan i cih pen numei leh pasal kigawmna pan hong piangkhia hi aa, nu leh pa, tate ki gawmkhawm aa inn khatah om khopna pen innkuan kici hi. Innkuan sung ahoih ciangin: pawlpi sungahoih hipah aa, Pawlpi sung ahoih ciangin: Khuasung ahoih hipah hi. Khuasung ahoih ciangin Gambup a hoih hipah hi. Gambup a hoih ciangin Leitung zong zhoih hipah hi. Tua ahih man in innkuan sungah a hoihna dingin innkuan kipat khiatna nu leh pate zahtak ding cih pen Pasian deihna ahi hi. Pasian kammal sungpan nu leh pa te tung aa tate vaipuak pawlkhat kikum ni: a) Nu leh Pa zahtak in : Pasian Kammal in nu leh pa te tungah zahtakna neih ding honggen hi.(Siam 19:3, Mt 15:4, Mk 7:10,Hb 12:9, Paikhiatna 20:12). b) Nu leh Pa thu mang in : Pasian in pianna Nu leh Pa te thu tate'n man zawh nading a deih luat manin a kiciantakin Pasian Kammal in honggen hi. (Paun 6:20-21, Ep 6:1, Hebru 5:8). c) Nu leh Pa te lungnuamsak in : Tate'n i leitung Pasian ih Nu leh ih Pa te lungnuam sinnuam tak i omsakna in thupha sanna ahihna thu Pasian Kammal in honggen hi.(Paun 10:1, 15:20,23:24-25,27:11). Hih thu a za a ngai nu le pa u le nau mimal kim ciat tungah a nuntak pih dingin i Biak Topa Pasian in thupha hong pia kim ciat ta hen. Kei mah Sr. Agnes Ciang Bawi hing. Ka lungdam