The Little Way Sister of St. Theresa Congregation-(Nungak Siangtho Sang) thu

RVA panin ei Catholic pawlpi sung aa om Nungak Siangtho Sang(Congregation) tampi lak pan St. Theresa Sister Congregation te thu a tawmno in Sr. Francisca Cing Bawi (The sister of St. Theresa, Mother House, Kalay) tawh interview te hong hawmkhia sawn ung.

            The Little Way Sister of St. Therese Congregation pen 1997 kum June ni 1 ni-in England gam pan Miss Mary DooHan leh Arc.Bishop Nicholas Mang Thang te kipawl in a phuat ahi hi.

 

A Phuan te ngimna

1.Siampi te ading thungetsak ding leh Nidang khamtunggam khuano lam ah sister kicing zolo leh Topa te a om zawh hangin Topa te a huh ding omlo, naupang te a makaih ding omlo ahih manin tua dingin a ki phuan ngait ahi hi.

 

Motto - ေသးငယ္ေသာအရာမ်ားကို ၾကီးမားေသာေမတၱာျဖင့္ လုပ္ေဆာင္ျခင္း။

Na ih sep ciangin miphawk khak loh a olno khat ahi zongin I sep peuhpeuh tungah itna lianpi tawh sem ding.

 

Charisim “Childlike confidence in God”

“Naupang ten anu leh pa tungah upna, itna aneih bangin Pasian tungah upna nei-in tua up na tawh nuntakna”

 

St. Theresa Sister Congregation' Formator

St. Joseph Sister ten Sianu' nuntak dan ziading pilna, siamna akisam atuamtuam te hong hilh in hong makaih hi.

 

Formation House

St. Theresa Sangpi pen kawlpi ah om hi. Sianu suak khin sa pen 200 kiim phata in sangkhen pen mun 32 ah om ta hi.

 

St. Theresa sister te ngimna leh sepna

Amau leh amau Pasian ading ki piakhia ngiat ding, leitung bup aa om Pasian nasem te aading Siangtho pumpi bia in thunget sak na,Siampi te aading leh Pasian nasem dingin khangno te aki piak khiat semsem na ding thungetsakna, Numei note nuntakna a khantoh nading lamlak ding leh pantah ding Sister sang alut nuam te theih ding leh kizop nading Laitan kiciangtan lian a omlo hangin tansawm phingei limlim hi ding,kum (18)cing nungak hi ding, gamtat luhek hoih ding,Pasian' thu lunggulh ding, tuisawp na letmat nei ding, Parish Topa ii phalna lai (letmat) cih te ki sam hi. Sister sang pen kum 4 sung sinin tua khit ciang puantual kipia hi. Puantual ngahzawh kum (7) khit ciangin khantawn ki ciamna ngah hi. A hi zongin dam lohna khat (or) vai thupi khat peuhpeuh aom leh ki khan to thei hi. Parish khat ciat aa om St. Theresa sister te kiangpan kizom thei hi.

Add new comment

1 + 0 =