"Mihing’ Tapa in Sabbath ni nangawn a uk Topa ahi hi,”

Lungdamna Lai Siangtho (Mark 2: 23-38 23).

23. Sabbath ni khatin Jesu buhlei tawnin a pai hi. A nungzuite in a pai kawmkawmun buhvuite a zuut uh hi.

24. Pharisee-te in ama kiangah, “En in, amaute in Sabbath ni-in bang hangin thukham tawh kituak loin gamta uh hiam?” a ci uh hi.

25. Jesu in amaute’ kiangah, “David le a lawmte in a gilkial laitakun bang hih uh cih sim ngei nai lo na hi uh hiam?

26. Siampi lian Abiathar’ hun lai-in Pasian’ biakinn sungah amah lut a, siampite longal mi dangte’nek dinga kilawm lo ompihna khomun a lawmte tawh a ne hi,” a ci hi.

27. Tua khit ciangin Jesu in amaute’ kiangah, “Mite’ aadingin Sabbath a kibawl hi a, Sabbath ni’ aadingin mite a kibawl hilo hi.

28. Tua ahih manin, Mihing’ Tapa in Sabbath ni nangawn a uk Topa ahi hi,” a ci hi.

Hih in Topa' lungdamna Lai Siangtho ahi hi.