“Nangmah in Pasian’ Tapa na hi hi,”

Catholic Nisim Lai Siangtho, Hun Nautaang Nipi Kaal (2) Na (WED). January 23, 2020

Lungdamna Lai Siangtho (Mark 3: 7-12)

7. Jesu, a nungzuite tawh tuipi lamah paikhia uh a, Galilee panin mihon tampi in a nung a zui uh hi.

8. Amaute in Jesu’ bawlte khempeuh a zak uh ciangin Judea, Jerusalem, Idumea le Jordan gungal teng le Tyre le Sidon kim a gamte panin mi tampi ama kiangah hong pai uh hi.

9. Mihonpite in Jesu a nehcip gawp khak lohna dingin gunkuang khat kigingsa-a a koihna dingun a nungzuite’ kiangah a gen hi;

10. bang hang hiam cih leh, Jesu in mi tampi damsak khin ahih manin, natna a nei mite in amah a lawn theihna dingun a kiphugawp uh hi.

11. Kha ninte in Jesu a muh uh ciangin a mai-ah bok uh a, “Nangmah in Pasian’ Tapa na hi hi,” ci-in a kiko uh hi.

12. Ahi zongin amah kua hiam, cih a gen lohna dingun amaute khauh takin thu a pia hi.

Hih in Topa' Lungdamna Lai Siangtho ahi hi.